Upītes
etnogrāfiskais ansamblis

1998. gada jūnijā

      Dibināts: 1980. gadā
      Atrodas: Upītē, Šķilbēnu pag., Balvu raj., Latgalē
      Vadītājs: Antons Slišāns
      Dalībnieku skaits: 14, no tiem pēc vecuma:
          no 25 līdz 44 gadiem: 1
          no 45 līdz 64 gadiem: 11
          vecāki par 64 gadiem: 2
      un pēc dzimuma:
          vīriešu: 4
          sieviešu: 10
      Darbības veidi: dzied, spēlē
      Muzīkas: ermoņikas, cītars, kokle, vijole, bungas.

      Apraksts: Upītes etnografiskīs ansamblis nūsadybynova 1980. godā, gatavojūtīs pyrmajīm Latgolas Folkloras svātkīm Preiļūs. Ansambļa sīvuom kūpejuos dzīduošonas tradicejas ir saņuokas; tyka dzīduots i apdzīduots kuozuos, sadzīduots atpyutas vokorūs kulturas noma zālē, a 1972. godā vīna dale sīvu, kūpeigi ar Rekovas i Brīžucīma puses sīvuom, īdzīdova Mikeļa Jermacāna i Ontona Slišāna magnetafona īrokstūs vysus goda tautasdzīšmu bolsus.
    Ansambļam tyka dūts Upītes vuords dieļ tuo, ka vysi ansambļa dzīduotuoji dzeivova cīmatā Upīte voi Upītes apleicīnes mozojūs cīmūs. Pi kam Upīte radzami puornieme senejuo Zeļču kulturviesturiskuo nūvoda centru, lai i natuoli beja Baļtinova i Škylbāni ar Rekovu. Ir ansambļa daleibneicas, kuras pādejūs godūs ir nūbraukušs dzeivuot cytur, a ansamblē dzīd, kod i rešuok.
    Ansambļa repertuaru veidoj Zīmeļlatgolas latgaļu folklora, kas ir dzeivā saskarsmē puormontuota nu īprīškajuom paaudziem. Ir godalaiku bolsu tautasdzīsmes, kuozu dzīsmes, danči, jaunīšu cereibas dzīsmes, naruotnuos dzīsmes, kara dzīsmes. Ansambļa daleibnīki var aizdūt meikles, pastuosteit pastuoškus, nūstuostus, zyn parunas i sokomvuordus. Bez tautasdzīsmiem, vacuokuo i videjou myuža guojuma sīvas dzīd vieļ i goreiguos dzīsmes, īpaši juoizceļ saļmes i bieru dzīsmes, kuru bolsi teik apgyuti nu paaudzes iz paaudzi dzīduošonas ceļā.
    Upītē dorbojuos ari bārnu i jaunīšu folkloras saime.

1997. gada augustā

      Dziesmas paraugs: Rudzeišami, rugaiņami (1997.g.)
Viens pantiņš AU formātā (353 Kb)
Visa dziesma MP3 formātā (412 Kb)

      Adrese: Antons Slišāns, Upīte 2-13, p/n Šķilbēni, Balvu raj., LV-4587, Latvija
      Tālrunis: 45-75648

      Ziņas sniegtas: 1998. gada 14. augustā