Etnogrāfiskais ansamblis
Kuprava

      Dibināts: 1986. gada 26. oktobrī
      Atrodas: Kupravā, Balvu raj., Latgalē
      Vadītāja: Leontīna Bordāne
      Dalībnieku skaits: 10, no tiem pēc vecuma:
          no 45 līdz 64 gadiem: 3
          vecāki par 64 gadiem: 7
      un pēc dzimuma:
          vīriešu: 4
          sieviešu: 6
      Darbības veidi: dzied, iet rotaļās

      Apraksts: Pirmō saīšana un kulā padzīdōšana bija 1986. g. 26. oktobrī. Ansambli dibinova divejas vadītojas Anna Gabrāne i Antonija Brice (škulotajas). Es sōku dzīdot i vadīt ansambli nu 6.XII.1987.
    Kuprova sovā laikā ir bijuse mozs stancijas cīmats. Ka sōka ceļt Drenu cauruļu rūpnīcu, sabrauca cilvāki dorbā. Ansambļa dalībniki ir mainejušīs ļūti doudzi. Doudzi ir aizbraukušs, doudzīm ir apnicss. Meituškas izougušs aizgōja iz citu školu. Palikušs ir paši uzņēmīgōkī i tī, kam dzīdošana ir sirds līta.
    Ansamblis dzīd vacōs apkōrtnes dzīsmes. Ansamblis dzīd jou sešus godus vusu maja mēnesi (trīs dīnas nedelī) par gūdu Dīvmōtei dzīsmes pi Krista. Dzīdam saļmes reizi godā maja mēnesē kopūs, tō piminut vusus, kas atdusās Kuprovas kopūs. Svecīšu vokarūs kopūs dzīdom Diva dzīsmes. Pavodut iz mūža mōjōm aizgōjejus, dzīdam saļmes. Dzīdam tolku dzīsmes - gorū bolsu i gonu bolsu. Dzīdam kōzu dzīsmes: brūtes izvadīšanā, sageidīšanā, apdzīdam kōzenikus pi golda, podruškas i brōļnikus, saimenīcas, dzirošanā, vainuga maļšanā i kāršnika pravesšanā.
    Pirmis izbroucins mūsu ansambļam bija 1988. godā 8. aprelī iz Baltinovu pasōkumā Vakariešanūs pi zirņu bļudas. Tur bija izlūze, kotris ansamblis izvilka sev zīmi. Mūsu ansamblis dzīd zam Diva zīmes.
    Nivīnc pasōkums Kuprovā nav nuticss bez ansambļa dalības. Dzīdam: Zimassvātkūs, Lindinūs, Lōčplieša dinā, 18. novembri, bērnības svātkūs, aizgaviņūs, mōtes dinā, školā izlaidumu vokarūs, Jōņa dinūs, pensionāru vokarūs, supretkūs, pirmsvieliešanu tikšanūs ar deputatu kandidatim, atpūtas vokarūs, brōļu kopūs. Kotram pasōkumam attīcīgōs dzīsmes.
    Dzīdovam Rīgā Baltica-94, Bolvūs, Viļakā, Vacumūs, Žīgurūs, Šķilbanūs, Baltinovā, Medņevā, Mītra kolnā, Ludzā, Rēzeknē, Murmastienē, Mālupē, Jaunlaicenē.

      Adrese: Leontīna Bordāne, Draudzības 7-6, Kuprava, Balvu raj., LV-4582, Latvija
      Tālrunis: 45-32198

      Ziņas sniegtas: 1998. gada 27. augustā