Riebiņu etnogrāfiskais ansamblis
Jumaleņa

Folkloras ansambļu skatē Leiču kultūras namā, 1997.g. aprīlī

      Dibināts: 1984. gada 12.februārī
      Atrodas: Riebiņos, Preiļu raj., Latgalē
      Vadītājs: Jānis Teilāns
      Dalībnieku skaits: 25, no tiem pēc vecuma:
          jaunāki par 14 gadiem: 2
          no 14 līdz 24 gadiem: 2
          no 25 līdz 44 gadiem: 6
          no 45 līdz 64 gadiem: 7
          vecāki par 64 gadiem: 8
      un pēc dzimuma:
          vīriešu: 3
          sieviešu: 22
      Darbības veidi: dzied, spēlē, danco, iet rotaļās
      Muzīkas: cītara, velna bungas u.c. sitamie instrumenti.

      Apraksts: Rībeņu etnogrāfiskais ansamblis Jumaleņa sovu dzīsmōtū myužu uzsōka 1984.goda 18.februārī. Ansambļa organizātōjs un vadeitōjs - Rībeņu kultūrys noma direktōrs Bronislavs Kokorišs. Sōkumā ansamblī beja divpadsmit dzīdōtōjis, kas uz ansambli atnōce kotra ar savom īpatnejom nūvoda dzīsmom, un ansambļa repertuārā uzreiz beja vasals tū krōjums.
    Jau februāra beigōs nūtyka pyrmais koncerts. Dzīdōtōjis uzreiz īmontōja skateitōju simpātejis un sōka koncertēt rajonā - Preiļūs, Leivōnūs, Aizkalnī. Nōkūšo godu vosorā Rībeņu dzīdōtōjis jau dzīdōja Reigā, Vēsturis muzejā, Latgalis tautystārpu izstōdē.
    Jumaleņa pīsadaleja arī folklorys festivalūs Baltica-88, 91, 97, XX Vyspōrejūs Dzīsmu svātkūs, Preiļu rajona mōkslys dīnōs Mežaparkā, Kr. Barona 160. dzymšonys dīnai velteitajā konferencē Latvejys tautys un folklora, Preiļu rajona dīnōs Latvīšu bīdreibys nomā Reigā, izstōdē Sovam nūvodam Jākabpilī, nūvoda dīnōs Ērgļūs. Jumaleņis dzīsmys skanējušys arī Dainu kolnā, Breivdabys muzejā Reigā, Blaumaņa Brakūs, Valkys rajonā, Mērsrogā, Kolkā, Talsūs, Ventspilī, Līpōjā, Īslīcī, Rēzeknī un Daugavpilī. Atmūdys laikā koncertēt iznōca ļūti bīži. Uz myužu vysim ansambļa daleibnīkim atmiņā paliks Dzīsmusvātki Daugavpilī un līsmojūšais Baltejis ceļš 1991.goda 23.augustā.
    Latgales tautysdzīsmu Jumaleņa aizvede arī uz tōlū Krasnojarsku, paleidzēja tū īmīlēt Utenys rajona īdzeivōtōjim Lītavā.
    Par tradiceju kļivuši folklorys svātki Rībeņūs. Tī šūgod nūtyka jau pīktū godu. Svātkūs pīsadola na tikai rajona folklorys kūpys, bet arī dzīdōtōji nu Balvu, Ludzys un Rēzeknis rajonim, arī Pūķa muzykanti nu Reigys.
    Kūpš 1988.goda Jumaleņu voda Preiļu rajona rūpeigōkais mūziķis un folklorists Jōns Teilāns. Ansamblī dzīd 25 dažaidu paaudžu un profesiju pōrstōvi nu Preiļim un Rībeņim. Repertuārā sova nūvoda dorba, sadzeivis un apdzīdōšonys dzīsmys, rūtalis un dejis.
    Jumaleņai beja uzvadums Rudzu pļauja, kū filmēja Latgales televīzija, un ansambļa repertuārā ļūti daudz dzīsmu par augleibys gorim - Jumi un Jumaļeņu, tōpēc ansambļa nūsaukums Jumaleņa.

Apdziedāšanās dziesmu festivālā Riebiņos, 1998.gada 18.jūlijā

      Dziesmas paraugs: Tolka (1998.g.)
Viens pantiņš AU formātā (453 Kb)
Visa dziesma MP3 formātā (571 Kb)

      Adrese: Marta Kavinska, Riebiņi, Preiļu raj., LV-5326, Latvija
      Tālrunis: 53-36723

      Ziņas sniegtas: 1998. gada 31. augustā